Xalq artisti Könül Xasıyeva yeni açıqlaması ilə diqqət çəkib. 

Xəbər verilir ki, "Günün sədası" proqramına qonaq olan ifaçı bu günə qədər 11 uşağa ali təhsil verdiyini, onların ailə qurmaqlarına maddi dəstək olduğunu, bunların qarşılığında isə onlardan heç bir şey gözləmədiyini bildirib:

"11 uşağa təhsil vermişəm. 4 oğul evləndirmişəm. 2 qız köçürmüşəm. İndi hamısı işləyirlər. Onların əziyyətlərini çəkmişəm deyə nəsə gözləməyim düzgün deyil. Mən belə şeylərə həssasam. Amma sağolsunlar itirmirlər. Bayram günlərində mənim, Kazımın halını xəbər alırlar. Onlardan çox razıyam. Canları sağolsun. İndi hamısı ailə başçısıdırlar”.

Azadsoz.com